• drkkleung

好壞習慣點生成?

腦神經科學裡頭有一條法則解釋我哋係點樣學到新嘢,就係『一齊激發嘅腦神經細胞會連埋一齊』(Neurons that fire together wire together),簡單嘅意思係,當原本互不相干嘅腦細胞同時受到重覆嘅刺激時,呢啲細胞之間嘅突觸強度會增加,佢哋就會連結埋一齊發生效用。腦細胞好似Matrix咁互相連繫,將我哋嘅思想、情緒同行為連結埋一齊。


所以如果你想學講好啲英文,淨係靠跟住BBC個新聞報導員重覆佢講啲嘢係唔夠你親自去到倫敦生活幾年無時無刻咁聽睇講住英文咁好(成日喱喺唐人街或只係群返香港人就另當別論)。又話者你打機越來越快越來越準係因為經過不斷練習,你手眼處理個game嘅資訊啲腦細胞已經連結埋一齊超效能咁發功。重覆練習令我哋啲腦細胞功能變得快準狠,狠嘅意思係佢哋會變咗好似自動咁,好似唔駛點『用腦』就已經做到嘢。習慣成自然。


啲腦細胞唔會分好壞嘅刺激,有刺激佢哋就做嘢。譬如,如果你重覆同時激起胡思亂想嘅腦細胞同接收你睡房環境訊息嘅細胞嘅話,咁你好容易想瞓覺嘅時候就情不自禁咁胡思亂想。又或者如果你工作壓力大放工就食餐勁嘅,咁你感受壓力嘅腦細胞同食慾有關嘅腦細胞就經常同時激發,自不然往後當你感到同壓力有關嘅訊息時,感受壓力嘅腦細胞就會同時掀動食慾嘅腦細胞,令你會不知不覺感到想食嘢嘅衝動。又或者你睇得好多令你好激動嘅新聞,咁你平日行街見到有關嘅人或事,就算明知當時冇特別嘢發生,都會感到漠明嘅激動。


咁可唔可以將腦細胞嘅連結解開?答案係:可以。下集再講。




99 views0 comments

Recent Posts

See All

絕境中守破離

好境不常。絕症、牢獄、戰亂、屠殺、天災人禍、家散人亡、死人冧樓⋯⋯連環不幸事件,世界好多角落都發生緊。 心理治療入門都一定讀過 Viktor Frankl (1959, 2000) 嘅 Man's Search For Meaning,記述佢被困納粹集中營期間,點樣為自己嘅生命、死亡、信念同受苦找尋意義嚟捱過呢段隨時送命嘅艱苦日子。Panter-Brick 同 Eggerman (2011) 喺阿

細節