• drkkleung

Shall we talk?!

好多人以為心理治療只係吐吓心事,質疑將自己已知嘅又未必解決到嘅嘢同專業人士講咗有幫助咩?好似最近我聽到有電台節目主持人話『將我哋想講嘅應該講嘅交俾一啲被視為係專業聆聽者,去聽一啲唔知有冇答案嘅問題嘅時候,我哋係咪又真係感受到舒服一啲?』,都反映好多情緒精神唔好嘅人唔願意去揾人幫手嘅原因之一。


首先,心理治療唔係『傾吓偈』。你「傾訴」,我「聆聽」喺心理治療中係不可或缺,但並唔足夠;能夠觸及你內心深處嘅聆聽先係同只係開啓有效治療第一道門嘅鎖匙。


其次,心理學家唔會任你噏,而係有意識咁引渡你進入內心世界,探索表達你害怕接觸嘅感受情緒同有關對自己別人同世界嘅想法。有唔少人第一次嚟見我,已經可以將自己嘅問題分析得頭頭是道。有位病人同我拆解佢社交障礙同缺乎自信係同佢細個郁吓就俾老豆打加埋中學時被欺凌有關,佢知道自己依家諗嘢過份負面,未接觸就已經想像自己被人排斥拒絕嘅畫面,雖然知道事實唔一定係咁但又阻止唔到自己咁諗,往往因為恐懼而逃避社交活動。佢看似好掌握自己嘅問題,但又覺得俾個問題困住,淨係叫佢唔好咁諗冇用,好似冇答案咁。


心理治療嘅過程中,你嘅「傾訴」往往唔會即時令你感覺良好舒服啲,因為你會一步一步面對接納甚至擁抱自己可能未曾發掘嘅傷害忿怒恐懼嘅感受,抽絲剝繭咁檢視自己嘅盲點⋯⋯最後,你可能發現對個問題、自己、別人同個世界有唔同嘅理解,一啲看似冇答案嘅問題找到答案。傾訴變成只係放負,定係可以讓你重拾力量揾出答案,重塑意義,最重要係個過程,互動中讓你感到被理解同接納,令你更願意面對自己嘅爭扎,擁抱自己嘅感受。


今集只係講講一般人認知嘅「傾偈形式」(talk therapy) 嘅心理治療,其實心理治療仲可以有其他形式,同埋要做到以上所講嘅都需要其他板斧;不過傾談係一切心理治療嘅開端,所以講一講。等我冇生意又俾人激親之時再講其他。




227 views0 comments

Recent Posts

See All

絕境中守破離

好境不常。絕症、牢獄、戰亂、屠殺、天災人禍、家散人亡、死人冧樓⋯⋯連環不幸事件,世界好多角落都發生緊。 心理治療入門都一定讀過 Viktor Frankl (1959, 2000) 嘅 Man's Search For Meaning,記述佢被困納粹集中營期間,點樣為自己嘅生命、死亡、信念同受苦找尋意義嚟捱過呢段隨時送命嘅艱苦日子。Panter-Brick 同 Eggerman (2011) 喺阿

細節