好境不常。絕症、牢獄、戰亂、屠殺、天災人禍、家散人亡、死人冧樓⋯⋯連環不幸事件，世界好多角落都發生緊。 心理治療入門都一定讀過 Viktor Frankl (1959, 2000) 嘅 Man's Search For Meaning，記述佢被困納粹集中營期間，點樣為自己嘅...

睇完靈魂奇遇記，一方面覺得要拍一套讓大眾明白講生活或生命意義嘅戲絕對唔容易； 但另一方面，睇完部戲之後冇乜感覺，借用友人嘅評語：『有點 cliche』，或太說教太樣板。反觀早前睇嘅消失的情人節好感動好令人反思，又借用另一友人嘅評語：...

前排我其中一個龜蜜喺通訊群組些牙咗一篇某行家嘅專欄大作，話引起佢公司其他行家火熱地討論，叫我哋都睇睇，點知竟引爆咗我同呢位龜蜜『好耐（好少）有咁樣交流』嘅交流，於是我決定喺呢度記低我嘅想法，等我老到冇曬記性時都可以睇番。...

對我哋有切身關係，又或者影響到我哋心情無論好壞嘅經歷，我哋都特別記得，上次分手對方刺得自己最痛嘅說話同眼神一定歷歷在目過你上個星期同班同事食晏嘅情形。 要回想起剛剛發生嘅事，我哋通常都可以諗起好多細節，例如尋日你同中學同學阿輝Helen肥波同NC喺逸西軒生日晚飯食過漿住嘴嘅...

好多人以為心理治療只係吐吓心事，質疑將自己已知嘅又未必解決到嘅嘢同專業人士講咗有幫助咩？好似最近我聽到有電台節目主持人話『將我哋想講嘅應該講嘅交俾一啲被視為係專業聆聽者，去聽一啲唔知有冇答案嘅問題嘅時候，我哋係咪又真係感受到舒服一啲？』，都反映好多情緒精神唔好嘅人唔願意去...

腦神經科學另一個發現就係你如果唔經常做某一樣嘢，咁原本支持呢樣嘢或功能嘅腦神經細胞就會漸漸失去反應，use it or lose it，唔用就冇咗（冇咗係啲反應唔係細胞）。相反，你經常做嘅嘢，仲可能會霸埋呢啲腦細胞嚟加強效能添。...

腦神經科學裡頭有一條法則解釋我哋係點樣學到新嘢，就係『一齊激發嘅腦神經細胞會連埋一齊』(Neurons that fire together wire together)，簡單嘅意思係，當原本互不相干嘅腦細胞同時受到重覆嘅刺激時，呢啲細胞之間嘅突觸強度會增加，佢哋就會連結埋...

寫完上次「耐性」篇文，立即感覺好離地。因為我唔係一個有耐性嘅人。 一個人表現一啲所謂冇耐性行為，譬如駁阿媽嘴，郁吓就發脾氣，或者講咗啲嘢要即刻做，可以有好多原因，唔一定係冇耐性咁簡單。最常見嘅就係焦慮緊張，啲嘢未發生就覺得唔穩陣，甚至擔心出岔子，個心囉囉攣好唔舒服，於是要即...

帶住耐性。 耐性係一種性格特質，亦係一種狀態，我哋會形容一個人好有耐性（性格），亦會話「啲人好有耐性咁排隊入投票站」（即係話就算一個「冇耐性」嘅人有時都會耐心咁等）。 有關點樣培養或訓練耐性嘅研究寥寥可數。心理學家發現一個人當下嘅耐性似乎同佢預咗要等幾耐有關，如果佢預咗要等...

打風落雨趕返工迫到死，仲漏咗個銀包喺屋企，做咗成日預備功夫個客話取消，食嘢又肚疴⋯⋯生活磨人，衰嘢總係接踵而來。你突然掉落黑暗之中，無助，甚至無望⋯⋯『我做咩都唔順利，上天都放棄我』 望出窗外，我聽唔到安慰。我走進內心，傾聽自己的聲音，是情緒低落，我感受到佢喺心口，重重的，...